चितवन । भरतपुर महानगरपालिका वडा नम्वर १२ निवासी पारस जङ्ग कार्कीको जन्मदिनमा भरतपुर-९, मित्रचोकमा रहेको आश्रममा आश्रीतहरुलाई भोजन गराइएको छ । चितवन मानव सेवा आश्रममा आश्रीतहरुलाई खाना खुवाउँदै छोराको जन्मदिन मनाइएको पारसका बुबा हरि कार्की ‘लक्की’ ले जानकारी दिनुभयो ।
जन्मदिनको अवसरमा हजारौं पैसा खर्च गरेर मनोरञ्जन गर्नुको साटो आश्रमले सडकमा अलपत्र परेका घाइते तथा बिरामीको उद्धार गरी उपचारपछि आश्रय दिँदै आएको बृद्धाबृद्धको सेवा गर्नु पाउदा निकै नै खुशी लागेको कार्कीले बताउनुभयो । आश्रमलाई आवश्यक परेको खण्डमा व्यक्तिगत तथा संस्थागत रूपमा सहयोग गर्ने कार्कीले बताउनुभयो ।
कार्यक्रममा परिवार सहित चितवन मानव सेवा आश्रमका पदाधिकारी, कर्मचारी लगायतको सहभागिता रहेको थियो । जन्मदिन, विवाहउत्सव, पुण्य तिथि सँगै संस्था र व्यावसायिक फर्मले विभिन्न पर्व तथा समय पारेर खाना खुवाउने र दान गर्ने कार्यक्रमबाटै आश्रम सञ्चालन भइरहेको छ । आश्रममा ४८ जना आश्रीत रहेका छन् ।
copy_1768548953.JPG)
चितवन खबर एक समाचार पोर्टल हो जसले नेपाल र विश्वसँग सम्बन्धित नवीनतम र अद्यावधिक समाचार र जानकारी प्रदान गर्दछ। ताजा समाचारको अपडेटको लागि, हामीसँग रहनुहोस्।
Copyright © 2026, इ चितवन खबर डट कम. All rights reserved.
Powered by Bitmap I.T. Solution Pvt. Ltd. .
