इ चितवन खबर

December 18, 2025

चितवन । भरतपुर महानगरपालिका–७, चितवनस्थित मिलिजुली बहुउद्देश्यीय सहकारी संस्था लिमिटेडको आयोजनामा खुला रक्तदान कार्यक्रम हुने भएको छ। समाजमा बढ्दो रगतको अभावलाई मध्यनजर गर्दै सहकारीले सामाजिक उत्तरदायित्व अन्तर्गत उक्त कार्यक्रम आयोजना गर्न लागेको हो।

कार्यक्रम पौष ५ गते शनिबार बिहान ७:०० बजे भरतपुर–७ स्थित क्यान्सर अस्पतालको १ नं. गेट अगाडि सञ्चालन हुनेछ। रक्तदान कार्यक्रमको संयोजन कृष्ण प्रसाद ढकालले गर्नु भएको छ।

आयोजक संस्थाले इच्छुक नागरिकलाई कार्यक्रममा सहभागी भई अमूल्य जीवन बचाउने अभियानमा सहयोग गर्न अनुरोध गरेको छ। रक्तदानले कसैको जीवन बचाउन सकिने भएकाले सबैको सक्रिय सहभागिताले कार्यक्रम सफल हुने विश्वास लिइएको छ।