सिद्धार्थ उद्योग वाणिज्य संघमा अधिकांश पदाधिकारी निर्विरोध

इ चितवन खबर

March 01, 2025

भैरहवा ।  सिद्धार्थ उद्योग वाणिज्य संघ रुपन्देहीको आगामी फागुन २३ र २४ गते हुने ६६ औं साधारणसभा तथा अधिवेशनमा २९ पदको नयाँ नेतृत्व चयन हुने भएपनि वाणिज्य उपाध्यक्ष र सह कोषाध्यक्ष बाहेकका सबै पदाधिकारी निर्विरोध भएका छन ।


संघको अगामी २ वर्षे कार्यकालका लागि बिहीबार देखि निर्वाचनको कार्यक्रम सुरु भएकोमा अावश्यक पदका लागि  ४६ जनाको उम्मेदवारी परेको संघका कानुनी सल्लाहकार तथा मुख्य निर्वाचन अधिकृत अधिवक्ता शिव गौडेलले जानकारी दिए ।


उनका अनुसार निर्वाचन कार्यक्रममा अध्यक्ष पदका लागि नेत्र प्रसाद आचार्यको, बरिष्ठ उपाध्यक्षमा दिलीप कुमार कान्दु, उपाध्यक्ष (बाणिज्य) एक पदका लागि यमकला न्यौपाने, दिपक कुमार पौडेल र हरि बहादुर थापाको, उपाध्यक्ष (उद्योग)तर्फ गोविन्द प्रसाद ज्ञवाली,, उपाध्यक्ष (कर्पोरेट)मा रोकित कुमार अग्रवाल, महासचिबमा कृष्ण प्रसाद घिमिरे, सचिबमा मंगल भण्डारी, कोषाध्यक्षमा कमल प्रसाद मरासिनी र सह कोषाध्यक्ष १ पदका लागि संजय कुमार बेरिवाल र पल्लवी न्यौपानेको उम्मेदवारी परेको छ । यस्तै सदस्य तर्फ कर्पोरेटमा २ पदका लागि विकास कुमार गोयन्का र अर्पित कुमार अग्रवाल, वस्तुगत सदस्यमा प्रितम कुमार रौनियार, महिला सदस्यमा विष्णु माया शर्मा पौडेल निर्विरोध निर्वाचित भएका छन ।


पदाधिकारी तर्फ वाणिज्य तर्फको उपाध्यक्ष एक पदका लागि ३ जना र सह कोषध्यक्ष एक पदका लागि २ जनामा निर्वाचन हुने भएपनि अन्य पदमा निर्विरोध निर्वाचित हुने देखिएको छ । यस्तै वाणिज्य तर्फको महिला सदस्य एक पदका लागि सुनयना केसी गिरी र मीना पन्थीको उम्मेदवारी रहेको छ भने उद्योग खुल्ला तर्फ ५ पदका लागि ९ जनाको उम्मेदवारी रहेको छ । जस्म कमल ज्ञवाली, अभिनव थापा, कृतेश कुमार श्रेष्ठ, तेजेन्द्र यादव, दिपेन्द्र पौडेल, सृजना कार्की जोशी, ओम जैशी, रचना क्षेत्री र विजय अधिकारी प्रतिस्पर्धामा उत्रेका छन ।


यस्तै वाणिज्य तर्फ खुल्ला सदस्य १० पदका लागि १९ जनाको उम्मेदवारी छ । जस्मा पूजा आचार्य, सन्दीप कुमार अग्रहरी, विशाल जैसवाल, अभिनव मयुर कसौधन, रमेश घिमिरे, धर्मराज आचार्य, प्रमोद कुमार रिजाल,अर्जुन कार्की, रमेश कानु, कृष्ण प्रसाद अधिकारी, यजन्य प्रसाद बेलवासे, सुरेन्द्र यादव, विरेन्द्र ज्ञवाली, चन्दूकान्त भटराई, जवाहिर अग्रहरी, हरिश सेठिया, धर्मविर शर्मा , गंगा सागर अग्रहरी र प्रकाश रेग्मी प्रतिस्पर्धामा छन ।


२९ पदको निर्वाचन हुने समितिमा निवर्तमान अध्यक्ष पदेन सदस्य रहने र ३ जना सदस्य(उद्योग, वाणिज्य, पर्यटन) मनोनित गरी ३३ जनाको कार्यसमिती रहने छ । निर्वाचनको मिति नजिकिदै गएसँगै संघमा आबद्ध उद्योगी तथा व्यवसायी उम्मेदवार संघका सदस्यहरुको घरदैलोमा पुगिरहेका छन ।


केहीले सामाजिक संजाल फेसबुक मार्फत त केहीले पर्चा पम्पलेट वितरण गर्दै प्रचार प्रसारबाट भोट माग्न व्यस्त भएका छन् । निर्वाचन र मतपरिणाम आ–आफ्नो पक्षमा पार्न सामाजिक संजाल , म्यासेज तथा फोनबाट उम्मेदवार र आकाक्षीहरुले मतको जोड घटाउको कसरत गरिरहेका छन ।


अधिकांस पदाधिकारीको निर्विरोध भएकोले यस पटक अझै सम्म प्यानल बनाएर उम्मेदवारी घोसणा भएको छैन । आकाक्षी उम्मेदवारहरु समूह समूहमा प्रचार गरेका छन । आकाँक्षीहरु पूर्व अध्यक्ष तथा पदाधिकारीहरुसँग सहकार्य गर्ने, नियमित छलफल, आन्तरिक समूह बनाउने, वरिष्ठ उद्योगी ब्यबसायीसंग सरसल्लाह गर्ने, प्यानल बनाएर जाने की स्वतन्त्ररुपमा भिड्ने विषयमा दैनिक छलफल गरिरहेका छन । हाल सम्मको तथ्याङक र उम्मेदवारी अनुसार केही नयाँ अनुहार संघको नेतृत्वका आकांक्षा सहित प्रचार प्रसारमा लागेका छन ।


उद्योगी ब्यबसायी मात्र नभई हरेक बर्गले अहिले उद्योग बाणिज्य संघको आउँदो अधिबेशनका क्रममा हुने निर्बाचनलाई नजिकबाट नियाली रहेका छन् । निजी क्षेत्रको एकमात्र प्रतिनिधिमूलक संस्था सिद्धार्थ उद्योग बाणिज्य संघ नेपालकै पुरानो मध्येको एक हो । नेपाल उद्योग बाणिज्य महासंघको स्थापना हुँदाको संस्थापक सदस्य संस्थाको रूपमा यो संघ रहेको छ ।


विस २०११ सालमा संस्थापक अध्यक्ष मंगल सिंह शर्माको नेतृत्वमा स्थापित भैरहवा व्यापार मण्डलबाट सुरुवात भएको सस्था २०३१ सालमा भैरहवा उद्योग वाणिज्य संघ, सिद्धार्थनगर उद्योग बाणिज्य संघ हुदै सिद्धार्थ उद्योग वाणिज्य संघ भएको हो । यस संस्थामा हाल सम्म मंगल सिंह शर्मा, नथमल अग्रवाल, गिरधारी मित्तल, केसरदेव वेरिवाल, कृष्णमान शेरचन, रुद्रविलास तुलाचन, मथुरा प्रसाद वजिमय, माधवलाल श्रेष्ठ, सुधा नारायण मनान्धर, मोहन सिंह विजुक्छे, निधान चन्द्र श्रेष्ठ, धुव्रकुमार श्रेष्ठ, ओमकार गौचन, रामशंकर कान्दु, कृष्ण प्रसाद शर्मा, महेन्द्र कुमार श्रेष्ठ, विष्णु प्रसाद शर्मा,रामकुमार शर्मा, कुल प्रसाद न्यौपाने, भिष्म न्यौपानेले नेतृत्व प्रदान गरिसक्नु भएको छ । हाल ठाकुर कुमार श्रेष्ठले नेतृत्व गर्दै छन । वुटवल उपमहानगरपालिका बाहेक कार्यक्षेत्र रहेको यस सस्थाले थुप्रै सफल नेतृत्व निर्माण गरेको छ । यस संस्थाको सदस्यमा वस्तुगत तर्फ १०, कर्पोरेट तर्फ १२८, उद्योग तर्फ ५३३ र वाणिज्य तर्फ १४४१ सदस्य गरी कुल २११२ ले नविकरण गरेका छन ।


# चितवन खबर # अर्थ खबर

How do you feel after reading this news?

Happy ( ०% )

Sad ( ०% )

Surprised ( ०% )

Excited ( ०% )

Angry ( ०% )

Comments

You May Like

कोरला नाकाबाट चार महिनामा सात हजार विद्युतीय सवारीसाधन आयात

November 22, 2026

प्यारापाइलट उत्पादन गर्न माछापुच्छ्रेमा खुल्यो प्याराग्लाइडिङ स्कुल

November 20, 2026

आजका लागि तोकियो विदेशी मुद्राको विनिमयदर

November 20, 2026

एकैदिन सुनको मूल्य १२ हजार भन्दा बढीले घट्यो

November 20, 2026

गण्डकीमा विपद्पछिको पुनःनिर्माणमा आठ अर्ब बढी लाग्ने अनुमान

November 19, 2026

दूधको मूल्य वृद्धि गर्न किसानको माग

November 17, 2026

पर्यटकीय नगरी बन्दीपुरमा पर्यटकको चाप, होटल भरिभराउ

November 16, 2026

दसैँ–तिहार अवधिमा सडक दुर्घटनामा कमी, राजस्व बढ्यो

November 16, 2026

घान्द्रुक, सिक्लेस र ल्वाङमा पर्यटकको घुइँचो, बास पाउनै मुस्किल

November 14, 2026

नवलपुरमा २०४ उद्योग थपिए

November 11, 2026

नेपाल र विश्वसँग सम्बन्धित ताजा, विश्वसनीय र अद्यावधिक समाचार तथा जानकारीलाई पाठकमाझ छिटो, निष्पक्ष र प्रभावकारी ढंगले प्रस्तुत गर्दै आएको एक विश्वासिलो सञ्चार माध्यम हो। मोफसलमै चर्चित रंगिन पत्रिकाको पहिचान बनाएको चितवन खबर पत्रिका सँगै सञ्चालनमा रहेको इ चितवन खबर डट कमले राजनीति, समाज, शिक्षा, स्वास्थ्य, पर्यटन, खेलकुद, कला–साहित्य, मनोरञ्जनदेखि स्थानीय जनजीवनका विविध विषयलाई प्राथमिकताका साथ उजागर गर्दै आएको छ।सत्य तथ्यमा आधारित पत्रकारिता, स्थानीय आवाजको प्रवर्द्धन र जनचासोका विषयलाई सशक्त रूपमा उठान गर्ने उद्देश्यका साथ अघि बढिरहेको चितवन खबरले डिजिटल पत्रकारितामार्फत देश–विदेशमा रहेका नेपाली पाठकमाझ आफ्नो अलग पहिचान स्थापित गरेको छ। सूचना, समाचार र विचारको विश्वसनीय स्रोतका रूपमा स्थापित हुँदै गएको चितवन खबर निष्पक्ष, उत्तरदायी र जनमुखी पत्रकारिताप्रति प्रतिबद्ध छ।

सूचना विभाग दर्ता नं: २८०५/०७५/०७९

  • महाप्रबन्धक: हरि कार्की " लक्की "
  • सम्पादक: इन्दिरा पन्त
  • निर्देशक​: राजेश शर्मा आचार्य
  • ब्यबस्थापक: निर्माला बस्याल
  • विज्ञापनका लागि: ०५६-५१६१४०,९८५५०४८४४९ +९७७-९८५५०४८४४९ echitwankhabar@gmail.com

सम्पर्क

  • भरतपुर महानगरपालिका- १२, चितवन

  • ०५६-५१६१४०,९८५५०४८४४९

  • chitwankhabar@gmail.com

उपयोगी लिंकहरु

Copyright © 2026, इ चितवन खबर डट कम. All rights reserved.

Powered by Bitmap I.T. Solution Pvt. Ltd. .