इ चितवन खबर

April 08, 2026

चितवन। चितवन विद्युतीय प्राविधिक संघको आयोजनामा भित्तेपात्रो विमोचन कार्यक्रम सम्पन्न भएको छ । कार्यक्रम संघका अध्यक्ष जयबहादुर पहारीको सभापतित्वमा सम्पन्न भएको हो ।

कार्यक्रममा संघका अध्यक्ष पहारीले भित्तेपात्रोले संघका गतिविधिहरूलाई थप व्यवस्थित रूपमा सार्वजनिक गर्न सहयोग पुर्‍याउने विश्वास व्यक्त गरेका थिए । साथै, आगामी दिनमा संघका गतिविधिहरू अझ प्रभावकारी बनाउने प्रतिबद्धता समेत व्यक्त गर्नु भएको थियो।

कार्यक्रममा भित्तेपात्रो छपाइ उपसमितिका संयोजक दोष थापा, वरिष्ठ उपाध्यक्ष तुलसीराम निउरे, सल्लाहकारहरू हरिबाबु तिवारी, राजकुमार न्यौपाने, सचिव दिनेश प्रसाद उपाध्याय, सह-सचिव कृष्ण उप्रेती, सदस्य साधन गिरी लगायतको उपस्थिति रहेको थियो ।

त्यसैगरी, लक्की मिडिया हाउसका चितवनका प्रबन्ध निर्देशक हरि कार्की"लक्की" सहित संघका सदस्यहरूको सहभागिता रहेको थियो ।