इ चितवन खबर

September 08, 2026

L चितवन। जेन–जी आन्दोलनका क्रममा सहादत प्राप्त गरेका शहीदहरूको सम्झनामा प्रथम वार्षिकीको अवसर पारेर नेपाल नेत्र सहायक परिवार, भरतपुर आँखा अस्पताल इकाइले आज दीप प्रज्वलन कार्यक्रम आयोजना गरेको छ।

नेपाल नेत्र सहायक परिवार, भरतपुर आँखा अस्पताल इकाइका अध्यक्ष सुमन श्रेष्ठको अध्यक्षतामा सम्पन्न कार्यक्रममा नेपाल नेत्र सहायक परिवार केन्द्रीय कार्यालय काठमाडौंका अध्यक्ष रमेश घिमिरेको प्रमुख आतिथ्यता तथा भरतपुर आँखा अस्पताल, चितवनका प्रमुख मेडिकल निर्देशक डा. पुष्पा गिरी श्रेष्ठको आतिथ्यता रहेको थियो।

कार्यक्रममा जेन–जी आन्दोलनका क्रममा सहादत प्राप्त गरेका शहीदहरूको योगदान र बलिदानको स्मरण गर्दै उनीहरूप्रति भावपूर्ण श्रद्धाञ्जली अर्पण गरिएको थियो।कार्यक्रममा नेपाल नेत्र सहायक परिवार, भरतपुर आँखा अस्पताल इकाइका उपाध्यक्ष बिनिता सापकोटा, सचिव भागिराम चौधरी, कोषाध्यक्ष आयुष पौडेल लगायत पदाधिकारी तथा सदस्यहरूका साथै भरतपुर आँखा अस्पतालका कर्मचारीहरूको सहभागिता रहेको थियो।

कार्यक्रमको संयोजन कोषाध्यक्ष आयुष पौडेलले गर्नुभएको थियो। पौडेलका अनुसार जेन–जी आन्दोलनका क्रममा सहादत प्राप्त गरेका सम्पूर्ण शहीदहरूको सम्झना तथा सम्मानस्वरूप दीप प्रज्वलन कार्यक्रम आयोजना गरिएको हो।
कार्यक्रममा सहभागीहरूले शहीदहरूको सम्झनामा दीप प्रज्वलन गर्दै उनीहरूको योगदान र बलिदानलाई सधैँ सम्मानका साथ स्मरण गर्ने प्रतिबद्धता व्यक्त गरेका थिए।