इ चितवन खबर
April 24, 2025
लमजुङ । राष्ट्रकवि माधवप्रसाद घिमिरेको गाउँ लमजुङको बाहुनडाँडामा भूकम्पले भत्काएको ऐतिहासिक तथा धार्मिक महत्वको मन्दिरको पुनर्निर्माण गरिएको छ । देश विदेशमा चन्दा सङ्कलन गरेर स्थानीयले मन्दिरको पुनर्निर्माण गरेका हुन् ।
मस्र्याङ्दी गाउँपालिका–६, बाहुनडाँडामा रहेको देवी मन्दिर पुनर्निर्माणका लागि स्थानीयले देश विदेशमा रहेका नेपालीबाट करिब ६० लाख रुपियाँ सङ्कलन गरेका थिए । १६ औँ शताब्दीमा निर्माण भएको अनुमान गरिएको यो मन्दिर २०७२ सालको भूकम्पमा भत्किएको थियो । मन्दिर भत्किएपछि २०८० सालमा स्थानीय मनिप्रसाद गुरुङको अध्यक्षतामा देवीथान संरक्षण समिति बनाइएको थियो । समितिले देवीथान मन्दिरमा आस्था राख्ने देश विदेशमा रहेका नेपालीसँग चन्दा सङ्कलन गरेर पुनर्निर्माण सम्भव भएको गुरुङले बताउनुभयो ।
समितिका कोषाध्यक्ष विनोद गुरुङका अनुसार मन्दिरको पुनर्निर्माणका लागि ३८५ जनाले आर्थिक सहयोग गरेका छन् । मन्दिर निर्माणमा अहिलेसम्म ६० लाखभन्दा बढी खर्च भएको उहाँले बताउनुभयो । गण्डकी प्रदेशका आर्थिक मामिलामन्त्री डा. टकराज गुरुङले नवनिर्मित मन्दिरको उद्घाटन गर्दै इतिहासको संरक्षण गर्दै धार्मिक पर्यटनको विकास गर्न प्रदेश सरकारले सहयोग गर्दै आएको बताउनुभयो । मस्र्याङ्दी गाउँपालिकाका अध्यक्ष अर्जुन गुरुङले मन्दिरका थप संरचना निर्माण र प्रचारका लागि गाउँपालिकाले आवश्यक सहयोग गर्ने बताउनुभयो । समितिका सचिव विष्णुराज घिमिरेले पुनर्निर्माण भएको मन्दिरलाई पर्यटनसँग जोडेर यस क्षेत्रको अर्थतन्त्रलाई चलायमान बनाउन प्रयास गर्ने बताउनुभयो ।
तत्कालीन पुस्तुन बाहुनडाँडामा विसं १५१० मा जन्मिनुभएका कुश्माखर घिमिरेले मन्दिर निर्माण गरेको इतिहास छ । घिमिरे लमजुङमा यशोब्रह्म शाहलाई राजा स्थापना गरी शाहवंशीय राज्यको प्रादुर्भाव गराउने योजनाकारमध्ये एक हुनुहुन्थ्यो । देवीको मन्दिरको उत्खननका क्रममा विसं १८२५ का अभिलेखहरू भेटिएको देवीथान संरक्षण समितिका सल्लाहकार कृष्णचन्द्र घिमिरेले जानकारी दिनुभयो । उहाँका अनुसार मन्दिरमा विभिन्न स्थानबाट आएका ऋषि तथा योगीले तपस्या गरेको इतिहास पनि भेटिएका छन् ।
समितिका सल्लाहकार इन्जिनियर हेमनाथ घिमिरे पनि प्राप्त अभिलेख तथा किंवदन्तीका आधारमा कुश्माखर घिमिरेले नै स्थापना गरेको मान्न सकिने बताउनुहुन्छ । पुरानो देवीथान मन्दिरको २०४६ सालमा भारतीय सेनामा कार्यरत स्थानीय खुसबहादुर गुरुङले जीर्णोद्धार गर्नुभएको थियो ।
चितवनबाट मन्दिर उद्घाटनका लागी चितवनलगायत बिभिन्न ठाउबाट स्थानीय पुख्यौली भएका ब्यक्तिहरूको पनि उपस्थिति थियो ।
Happy ( १००% )
Sad ( ०% )
Surprised ( ०% )
Excited ( ०% )
Angry ( ०% )
August 22, 2026
August 21, 2026
August 21, 2026
August 20, 2026
August 20, 2026
August 19, 2026
August 14, 2026
August 13, 2026
August 12, 2026
August 12, 2026
August 22, 2026
August 21, 2026
August 21, 2026
August 20, 2026
नेपाल र विश्वसँग सम्बन्धित ताजा, विश्वसनीय र अद्यावधिक समाचार तथा जानकारीलाई पाठकमाझ छिटो, निष्पक्ष र प्रभावकारी ढंगले प्रस्तुत गर्दै आएको एक विश्वासिलो सञ्चार माध्यम हो। मोफसलमै चर्चित रंगिन पत्रिकाको पहिचान बनाएको चितवन खबर पत्रिका सँगै सञ्चालनमा रहेको इ चितवन खबर डट कमले राजनीति, समाज, शिक्षा, स्वास्थ्य, पर्यटन, खेलकुद, कला–साहित्य, मनोरञ्जनदेखि स्थानीय जनजीवनका विविध विषयलाई प्राथमिकताका साथ उजागर गर्दै आएको छ।सत्य तथ्यमा आधारित पत्रकारिता, स्थानीय आवाजको प्रवर्द्धन र जनचासोका विषयलाई सशक्त रूपमा उठान गर्ने उद्देश्यका साथ अघि बढिरहेको चितवन खबरले डिजिटल पत्रकारितामार्फत देश–विदेशमा रहेका नेपाली पाठकमाझ आफ्नो अलग पहिचान स्थापित गरेको छ। सूचना, समाचार र विचारको विश्वसनीय स्रोतका रूपमा स्थापित हुँदै गएको चितवन खबर निष्पक्ष, उत्तरदायी र जनमुखी पत्रकारिताप्रति प्रतिबद्ध छ।
Copyright © 2026, इ चितवन खबर डट कम. All rights reserved.
Powered by Bitmap I.T. Solution Pvt. Ltd. .
