इ चितवन खबर
July 21, 2025
ढाका । बंगलादेशको वायुसेनाको विमान ढाकाको उत्तरमा दुर्घटनाग्रस्त भएको छ। सो बिमान जेट माइलस्टोन स्कुल एण्ड कलेजको भवनमा ठोक्किएको ढाका ट्रिब्युनले उल्लेख गरेको छ ।
फायर सर्भिस र सिभिल डिफेन्सले घटनामा कम्तीमा एक जनाको मृत्यु भएको पुष्टि गरेको छ । घटनास्थलमा उद्धार कार्य जारी छ ।
ढाकाको उत्तरामा प्रशिक्षण विमान दुर्घटनामा परी कम्तीमा २५ जनालाई नेशनल इन्स्टिच्युट अफ बर्न एण्ड प्लास्टिक सर्जरीमा लगिएको छ । उनीहरुको पहिचान तुरुन्तै थाहा हुन सकेको छैन तर उनीहरुमध्ये अधिकांश विद्यार्थी हुन् । अन्य कैयौं घाइतेहरूलाई सहरका विभिन्न अस्पतालमा लगिएको छ।
फायर सर्भिस कन्ट्रोल रुमका ड्युटी अफिसर लिमा खानमले भनिन्, “हामीले दिउँसो १ः१८ बजे उत्तराको माइलस्टोन स्कुल एण्ड कलेज नजिकै विमान दुर्घटना भएको खबर प्राप्त गरेका थियौँ।’ उनका अनुसार घटनास्थलमा उत्तरा, टोङ्गी, पल्लवी, कुर्मीटोला, मिरपुर र पूर्वाचलका आठ वटा दमकल खटिरहेका छन् ।
सामाजिक सञ्जालमा भाइरल भइरहेका भिडियोहरूले धेरैलाई घाइते अवस्थामा उद्धार गरेको देखिन्छ। उनीहरुलाई उत्तरा आधुनिक अस्पतालमा लगिएको बताइएको छ ।
ढाका मेडिकल कलेज अस्पताल, कुर्मिटोला जनरल अस्पताल, कुवेत–बंगलादेश मैत्री सरकारी अस्पताल, उत्तरा महिला मेडिकल कलेज, शहीद मन्सूर अली मेडिकल कलेज अस्पतालमा उनीहरूको उपचार भइरहेको छ ।
डीएमपीको उत्तरा डिभिजनका उप पुलिस आयुक्त मोहिदुल इस्लामले पत्रकारहरूलाई भने, ‘माइलस्टोन कलेज क्षेत्रमा तालिम विमान दुर्घटना भएको छ। उद्धार कार्य जारी छ। थप विवरण पछि दिइनेछ।’
प्रत्यक्षदर्शीहरूले भने कि विमान अचानक ठूलो आवाजको साथ भवनमा ठोक्कियो, जसले विद्यार्थी र क्याम्पसका कर्मचारीहरूमा त्रास फैलाएको थियो। भवन मुख्यतया प्लेग्रुप कक्षाहरूका लागि प्रयोग गरिएको थियो, जुन दुर्घटना हुनुभन्दा केही बेर अघि मात्र समाप्त भएको थियो।
Happy ( ०% )
Sad ( ०% )
Surprised ( ०% )
Excited ( ०% )
Angry ( ०% )
May 11, 2026
August 30, 2025
August 26, 2025
August 23, 2025
August 13, 2025
July 30, 2025
June 13, 2025
June 11, 2025
May 09, 2025
April 12, 2025
नेपाल र विश्वसँग सम्बन्धित ताजा, विश्वसनीय र अद्यावधिक समाचार तथा जानकारीलाई पाठकमाझ छिटो, निष्पक्ष र प्रभावकारी ढंगले प्रस्तुत गर्दै आएको एक विश्वासिलो सञ्चार माध्यम हो। मोफसलमै चर्चित रंगिन पत्रिकाको पहिचान बनाएको चितवन खबर पत्रिका सँगै सञ्चालनमा रहेको इ चितवन खबर डट कमले राजनीति, समाज, शिक्षा, स्वास्थ्य, पर्यटन, खेलकुद, कला–साहित्य, मनोरञ्जनदेखि स्थानीय जनजीवनका विविध विषयलाई प्राथमिकताका साथ उजागर गर्दै आएको छ।सत्य तथ्यमा आधारित पत्रकारिता, स्थानीय आवाजको प्रवर्द्धन र जनचासोका विषयलाई सशक्त रूपमा उठान गर्ने उद्देश्यका साथ अघि बढिरहेको चितवन खबरले डिजिटल पत्रकारितामार्फत देश–विदेशमा रहेका नेपाली पाठकमाझ आफ्नो अलग पहिचान स्थापित गरेको छ। सूचना, समाचार र विचारको विश्वसनीय स्रोतका रूपमा स्थापित हुँदै गएको चितवन खबर निष्पक्ष, उत्तरदायी र जनमुखी पत्रकारिताप्रति प्रतिबद्ध छ।
Copyright © 2026, इ चितवन खबर डट कम. All rights reserved.
Powered by Bitmap I.T. Solution Pvt. Ltd. .
