इ चितवन खबर
July 28, 2025
भैरहवा। भैरहवास्थित श्री नारायणस्थान मन्दिरमा आयोजित तीनदिने श्री झुला महोत्सव आइतबार श्रद्धा र भक्तिभावका साथ सम्पन्न भएको छ। साउन ९ देखि ११ गतेसम्म चल्ने महोत्सवमा हजारौं भक्तजनको सहभागिता रहेको थियो।
श्रीकृष्ण र नारायणको संयुक्त आराधना स्थलका रूपमा परिचित नारायणस्थान मन्दिरमा प्रत्येक वर्ष झैं यो वर्ष पनि श्रावणी झुला उत्सव विशेष उत्साहका साथ मनाइएको हो। धार्मिक वातावरणमा सम्पन्न महोत्सवमा भक्तजनले झुला आराधनासँगै आध्यात्मिक शान्तिको अनुभूति गरेका छन्।
महोत्सवका क्रममा कथा वाचक आचार्य ओमप्रकाश सुवेदीको मार्गदर्शनमा धार्मिक प्रवचन, भजन संध्या र भण्डारा कार्यक्रम आयोजना गरिएको थियो। मन्दिर व्यवस्थापन समितिका अध्यक्ष विष्णुप्रसाद पौडेल उपाध्यायले कार्यक्रम संयोजनमा महत्वपूर्ण भूमिका निर्वाह गर्नुभयो। समितिकी सदस्य मिना श्रेष्ठले झुला उत्सवलाई राधा–कृष्णको प्रतीक र प्रकृतिसँग एकाकार हुने अवसरका रूपमा व्याख्या गर्दै भक्तजनको भावनात्मक जुडाव उल्लेख गर्नुभयो। वरिष्ठ उपाध्यक्ष माधवी शर्माका अनुसार, “गुरुको कथा सुन्दा वृन्दावनमै पुगेझैँ अनुभूति भयो, महोत्सव सकिँदा छुट्टिनु गाह्रो लागेको छ।”
आयोजकका अनुसार, महोत्सवले धार्मिक परम्परा जगेर्ना गर्दै समाजमा एकता र श्रद्धाको भावना फैलाएको छ। कार्यक्रमको सफलतामा सचिव जितेन्द्रनाथ शर्मा, कोषाध्यक्ष बालकृष्ण अधिकारी लगायत समितिका सम्पूर्ण सदस्यको सहयोग रहेको बताइएको छ।
नारायणस्थान मन्दिर समितिले आगामी वर्षहरूमा झुला महोत्सवलाई झनै भव्य र व्यवस्थित रूपमा सञ्चालन गर्ने प्रतिबद्धता व्यक्त गरेको छ।
Happy ( ०% )
Sad ( ०% )
Surprised ( ०% )
Excited ( ०% )
Angry ( ०% )
July 02, 2026
July 01, 2026
July 01, 2026
June 30, 2026
June 30, 2026
June 29, 2026
June 29, 2026
June 29, 2026
June 29, 2026
June 29, 2026
July 02, 2026
July 01, 2026
July 01, 2026
June 30, 2026
नेपाल र विश्वसँग सम्बन्धित ताजा, विश्वसनीय र अद्यावधिक समाचार तथा जानकारीलाई पाठकमाझ छिटो, निष्पक्ष र प्रभावकारी ढंगले प्रस्तुत गर्दै आएको एक विश्वासिलो सञ्चार माध्यम हो। मोफसलमै चर्चित रंगिन पत्रिकाको पहिचान बनाएको चितवन खबर पत्रिका सँगै सञ्चालनमा रहेको इ चितवन खबर डट कमले राजनीति, समाज, शिक्षा, स्वास्थ्य, पर्यटन, खेलकुद, कला–साहित्य, मनोरञ्जनदेखि स्थानीय जनजीवनका विविध विषयलाई प्राथमिकताका साथ उजागर गर्दै आएको छ।सत्य तथ्यमा आधारित पत्रकारिता, स्थानीय आवाजको प्रवर्द्धन र जनचासोका विषयलाई सशक्त रूपमा उठान गर्ने उद्देश्यका साथ अघि बढिरहेको चितवन खबरले डिजिटल पत्रकारितामार्फत देश–विदेशमा रहेका नेपाली पाठकमाझ आफ्नो अलग पहिचान स्थापित गरेको छ। सूचना, समाचार र विचारको विश्वसनीय स्रोतका रूपमा स्थापित हुँदै गएको चितवन खबर निष्पक्ष, उत्तरदायी र जनमुखी पत्रकारिताप्रति प्रतिबद्ध छ।
Copyright © 2026, इ चितवन खबर डट कम. All rights reserved.
Powered by Bitmap I.T. Solution Pvt. Ltd. .
