इ चितवन खबर
July 06, 2026
काठमाडौँ। नेपाली कांग्रेसका महामन्त्री प्रदीप पौडेलले कांग्रेसले विधानमा युवालाई विशेष प्राथमिकता दिएको बताउनुभएको छ ।
नेपाली कांग्रेस धादिङले आज काठमाडौँमा आयोजना गरेको युवा भेलालाई सम्बोधन गर्दै महामन्त्री पौडेलले युवालाई कांग्रेसको विधानले विशेष व्यवस्था गरेको बताउनुभयो ।
“कांग्रेसले संशोधन गरेको विधानमा स्थानीय तह, प्रदेश तह, केन्द्र, पार्टीको क्षेत्रीय प्रतिनिधि, प्रदेश प्रतिनिधि, महाधिवेशन प्रतिनिधि र केन्द्रीय समितिमा युवालाई विशेष व्यवस्था गरेका छौँ”, उहाँले भन्नुभयो ।
महामन्त्री पौडेलले मुलुकको राजनीतिक स्थायित्व र मुलुकको आर्थिक विकासका लागि कांग्रेस सशक्त रूपमा अगाडि बढ्नुपर्ने बताउनुभयो । उहाँले पार्टीको स्थानीय तह, प्रदेश तह र केन्द्रमा युवाको सहभागिता सुनिश्चित गर्नका लागि पार्टीको क्रियाशील सदस्यमा युवा सहभागिता बढाउनुपर्ने उल्लेख गर्नुभयो । उहाँले पार्टी डिजिटल प्रविधिमा अगाडि बढेको भन्दै समयमै आफ्नो सदस्यता डिजिटल प्रविधिमार्फत अद्यावधिक गर्न सबैलाई आग्रह गर्नुभयो । महामन्त्री पौडेलले विगत ३५ वर्षमा केही भएन भन्नु गलत भएको भन्दै ३५ वर्षमा मुलुकको शिक्षा, स्वास्थ्य र मोटरबाटो क्षेत्रमा उल्लेख्य काम भएको बताउनुभयो ।
कांग्रेस केन्द्रीय सदस्य रमेश धमलाले सबै राजनीतिक दललाई संसदीय प्रक्रियामा ल्याउन कांग्रेसले महत्त्वपूर्ण भूमिका खेलेको उल्लेख गर्नुभयो । उहाँले निर्वाचनमा बहुमत प्राप्त गरेको दलले जनताको पक्षमा काम गर्नुपर्ने बताउनुभयो ।
कांग्रेस धादिङका सभापति रामनाथ अधिकारीले पार्टीलाई अगाडि बढाउन युवालार्ई अगाडि बढाउनुपर्ने बताउनुभयो । कांग्रेसको तर्फबाट धादिङका प्रतिनिधि बन्नुभएका महाधिवेशन प्रतिनिधि सुशील भट्टले पार्टीमा १८ वर्षदेखि ३५ वर्षसम्मका युवाको सहभागिता सुनिश्चित गर्नका लागि कांग्रेसले युवा केन्द्रित अभियान सञ्चालन गरेको जानकारी दिनुभयो ।
Happy ( ०% )
Sad ( ०% )
Surprised ( ०% )
Excited ( ०% )
Angry ( ०% )
November 15, 2026
November 10, 2026
November 05, 2026
November 05, 2026
November 05, 2026
November 03, 2026
November 02, 2026
October 26, 2026
October 26, 2026
October 22, 2026
नेपाल र विश्वसँग सम्बन्धित ताजा, विश्वसनीय र अद्यावधिक समाचार तथा जानकारीलाई पाठकमाझ छिटो, निष्पक्ष र प्रभावकारी ढंगले प्रस्तुत गर्दै आएको एक विश्वासिलो सञ्चार माध्यम हो। मोफसलमै चर्चित रंगिन पत्रिकाको पहिचान बनाएको चितवन खबर पत्रिका सँगै सञ्चालनमा रहेको इ चितवन खबर डट कमले राजनीति, समाज, शिक्षा, स्वास्थ्य, पर्यटन, खेलकुद, कला–साहित्य, मनोरञ्जनदेखि स्थानीय जनजीवनका विविध विषयलाई प्राथमिकताका साथ उजागर गर्दै आएको छ।सत्य तथ्यमा आधारित पत्रकारिता, स्थानीय आवाजको प्रवर्द्धन र जनचासोका विषयलाई सशक्त रूपमा उठान गर्ने उद्देश्यका साथ अघि बढिरहेको चितवन खबरले डिजिटल पत्रकारितामार्फत देश–विदेशमा रहेका नेपाली पाठकमाझ आफ्नो अलग पहिचान स्थापित गरेको छ। सूचना, समाचार र विचारको विश्वसनीय स्रोतका रूपमा स्थापित हुँदै गएको चितवन खबर निष्पक्ष, उत्तरदायी र जनमुखी पत्रकारिताप्रति प्रतिबद्ध छ।
Copyright © 2026, इ चितवन खबर डट कम. All rights reserved.
Powered by Bitmap I.T. Solution Pvt. Ltd. .