इ चितवन खबर

July 10, 2025

चितवन । शिक्षाविद् तथा सामाजिक अभियन्ता मिलन न्यौपानेले शिक्षा, सामाजिक सेवा र शान्ति प्रवर्द्धनमा पुर्‍याएको अद्वितीय योगदानका लागि एकै पटक तीनवटा अन्तर्राष्ट्रिय सम्मान प्राप्त गर्नुभएको छ। काठमाडौंमा आयोजित एक भव्य समारोहमा उहाँलाई सम्मानित गरिँदा नेपाली समाजसेवा र शिक्षाको क्षेत्रमा एउटा ऐतिहासिक उपलब्धि हासिल भएको महसुस गरिएको छ।

शिक्षा र सामाजिक सेवामा निस्वार्थ योगदानको कदर मिलन न्यौपानेले लामो समयदेखि शिक्षा क्षेत्रमा नवीन प्रयासहरू गर्दै समाजलाई परिवर्तनशील र सकारात्मक दिशा दिने खालका थुप्रै अभियानहरू सञ्चालन गर्दै आउनु भएको छ। उहाँको नेतृत्वमा ग्रीनल्याण्ड पब्लिकले ‘प्रोजेक्ट बेस्ड लर्निङ’, वातावरणीय सचेतना, बाल अधिकार संरक्षण, सांस्कृतिक कूटनीति, र सामाजिक सेवामा महत्वपूर्ण कार्यक्रमहरू गर्दै आएको छ।

उहाँको यिनै उल्लेखनीय कार्यहरूको कदर गर्दै आयोजक संस्थाहरूले उहाँलाई स्विट्जरल्यान्डको लुगानो क्षेत्रीय पर्यटन बोर्डको सम्मानपत्र, एमआईजी इटाली र वर्ल्ड काइन्डनेस मुभमेन्टको ‘Ambassador of Kindness Between Nepal and Italy’ को उपाधि, र Science of Peace Award प्रदान गरेका हुन्।