इ चितवन खबर

December 28, 2025

चितवन। ओम शान्ति एकेडेमीको २०औँ वार्षिकोत्सवको अवसरमा यही पुस २६ गते शनिबार “सातौँ अन्तर टोल विकास संस्था महिला (आमा समूह स्तरीय) हाजिरीजवाफ प्रतियोगिता २०८२” आयोजना हुने भएको छ। ओम शान्ति एकेडेमीको आयोजनामा हुन लागेको उक्त प्रतियोगिता बिहान १०:०० बजेदेखि सुरु हुनेछ।

प्रतियोगितामा भरतपुर महानगरपालिका तथा छिमेकी स्थानीय तहका आमा समूहहरूलाई सहभागिताका लागि हार्दिक आव्हान गरिएको छ। प्रतियोगितामा प्रति समूह ३ जना आमाहरू सहभागी हुन सक्नेछन्। सहभागिताका लागि कुनै प्रवेश शुल्क नलाग्ने आयोजकले जनाएको छ। इच्छुक समूहहरूले पुस २५ गते, शुक्रबार दिउँसो ४:०० बजेसम्म दर्ता गरिसक्नुपर्नेछ।

प्रतियोगितामा उत्कृष्ट प्रदर्शन गर्ने समूहहरूलाई आकर्षक नगद पुरस्कारको व्यवस्था गरिएको छ। प्रथम हुने समूहले १०,००० रुपैयाँ, द्वितीय हुने समूहले ६,००० रुपैयाँ र तृतीय हुने समूहले ४,००० रुपैयाँ नगद पुरस्कार प्राप्त गर्नेछन्। दर्ता तथा थप जानकारीका लागि ०५६-५९५००५, ९८४५६९८६९१ र ९८४२०४२२४१ नम्बरमा सम्पर्क गर्न सकिने विद्यालयका प्राचार्य टेकबहादुर श्रेष्ठले जानकारी दिनुभयो।

महिलाहरूको ज्ञान, क्षमता र आत्मविश्वास अभिवृद्धि गर्ने उद्देश्यले आयोजना गरिँदै आएको यस प्रतियोगिताले सामुदायिक सहभागिता र सामाजिक सद्भावलाई थप मजबुत बनाउने विश्वास आयोजकले लिएको छ।