इ चितवन खबर

April 27, 2026

चितवन। घरजग्गा तथा आवास व्यवसाय क्षेत्रमा क्रियाशील त्रिवेणी भगवती माई रियल स्टेट एण्ड हाउजिङ कम्पनी प्रा.लिका प्रबन्ध निर्देशक अशोक बिष्टले राज्यको नीतिका कारण रियल स्टेट व्यवसायीहरूको आत्मबल कमजोर बन्दै गएको बताएका छन्।

उहाँले पछिल्लो समय सरकारले अवलम्बन गरेको आर्थिक तथा आवास सम्बन्धी नीतिहरूले घरजग्गा क्षेत्रलाई प्रत्यक्ष असर पारेको उल्लेख गर्नु भएको छ। बैंक तथा वित्तीय संस्थाहरूबाट कर्जा प्रवाहमा गरिएको कडाइ, कर प्रणालीमा आएको जटिलता तथा कारोबार सम्बन्धी प्रक्रिया झन्झटिलो हुँदा व्यवसायीहरू निरुत्साहित बनेको उहाँको भनाइ छ।

प्रबन्ध निर्देशक बिष्टका अनुसार यस्ता नीतिगत अस्थिरताले नयाँ लगानी घट्नुका साथै चलिरहेका परियोजनाहरू समेत प्रभावित भएका छन्। “स्पष्ट र दीर्घकालीन नीति अभाव हुँदा लगानीकर्तामा अन्योल सिर्जना भएको छ,” उहाँले भन्नु भयो । उहाँले राज्यलाई व्यवसायमैत्री नीति ल्याउन आग्रह गर्दै रियल स्टेट क्षेत्रलाई पुनः चलायमान बनाउन सहजीकरण आवश्यक रहेको बताउनु भयो । साथै, आवास क्षेत्रले देशको अर्थतन्त्रमा महत्वपूर्ण योगदान गर्ने भएकाले यस तर्फ सरकारको विशेष ध्यान जानुपर्ने उहाँको जोड छ।