इ चितवन खबर
August 31, 2026
चितवन । रसुवामा आएको विनाशकारी बाढी तथा पहिरोबाट प्रभावित नागरिकहरूको सहयोगका लागि फोर्ब्स कलेज, भरतपुर–२, क्षेत्रपुर, चितवनले विशेष रक्तदान कार्यक्रम आयोजना गर्ने भएको छ। मानवीय सहयोग र सामाजिक उत्तरदायित्वको भावनालाई आत्मसात् गर्दै कलेजले “For Humanity, For Rasuwa” अभियान अन्तर्गत रक्तदान कार्यक्रम सञ्चालन गर्न लागेको हो।
कलेज परिसरमा २०८३ साल भदौ १६ गते मंगलबार बिहान ७ बजे कार्यक्रम आयोजना हुनेछ। बाढीका कारण प्रभावित तथा घाइतेहरूको उपचारमा आवश्यक पर्ने रगतको उपलब्धता सहज बनाउन सहयोग पुर्याउने उद्देश्यले कार्यक्रम आयोजना गर्न लागिएको कलेजले जनाएको छ।
प्राकृतिक विपद्को समयमा पीडितहरूको जीवनरक्षाका लागि रगतको महत्वपूर्ण भूमिका रहने भएकाले रक्तदानलाई मानवीय सेवाको महत्वपूर्ण कार्यका रूपमा लिइएको छ। “Your single act of kindness can be someone’s second chance at life” भन्ने सन्देशसहित आयोजना हुन लागेको कार्यक्रममा कलेजका विद्यार्थी, शिक्षक, कर्मचारी, अभिभावक, पूर्वविद्यार्थी तथा रक्तदान गर्न योग्य सम्पूर्ण शुभेच्छुकहरूलाई सहभागी हुन आह्वान गरिएको छ।
फोर्ब्स कलेजले सामाजिक उत्तरदायित्व अन्तर्गत विभिन्न मानवीय तथा सामाजिक अभियानमा सक्रिय सहभागिता जनाउँदै आएको जनाउँदै यस कार्यक्रमलाई पनि सहयोग र एकताको अभियानका रूपमा अघि बढाउन लागेको जनाएको छ। “रक्तदान गरौँ, जीवन बचाऔँ; रसुवाका पीडितसँग एकजुट बनौँ र आशा जगाऔँ” भन्ने सन्देशसहित कलेजले सम्पूर्ण चितवनवासीलाई कार्यक्रममा सहभागी भई मानवीय सेवामा योगदान पुर्याउन आग्रह गरेको छ।
Happy ( ०% )
Sad ( ०% )
Surprised ( ०% )
Excited ( ०% )
Angry ( ०% )
November 19, 2026
November 19, 2026
November 19, 2026
November 18, 2026
November 18, 2026
November 18, 2026
November 17, 2026
November 17, 2026
November 17, 2026
November 17, 2026
नेपाल र विश्वसँग सम्बन्धित ताजा, विश्वसनीय र अद्यावधिक समाचार तथा जानकारीलाई पाठकमाझ छिटो, निष्पक्ष र प्रभावकारी ढंगले प्रस्तुत गर्दै आएको एक विश्वासिलो सञ्चार माध्यम हो। मोफसलमै चर्चित रंगिन पत्रिकाको पहिचान बनाएको चितवन खबर पत्रिका सँगै सञ्चालनमा रहेको इ चितवन खबर डट कमले राजनीति, समाज, शिक्षा, स्वास्थ्य, पर्यटन, खेलकुद, कला–साहित्य, मनोरञ्जनदेखि स्थानीय जनजीवनका विविध विषयलाई प्राथमिकताका साथ उजागर गर्दै आएको छ।सत्य तथ्यमा आधारित पत्रकारिता, स्थानीय आवाजको प्रवर्द्धन र जनचासोका विषयलाई सशक्त रूपमा उठान गर्ने उद्देश्यका साथ अघि बढिरहेको चितवन खबरले डिजिटल पत्रकारितामार्फत देश–विदेशमा रहेका नेपाली पाठकमाझ आफ्नो अलग पहिचान स्थापित गरेको छ। सूचना, समाचार र विचारको विश्वसनीय स्रोतका रूपमा स्थापित हुँदै गएको चितवन खबर निष्पक्ष, उत्तरदायी र जनमुखी पत्रकारिताप्रति प्रतिबद्ध छ।
Copyright © 2026, इ चितवन खबर डट कम. All rights reserved.
Powered by Bitmap I.T. Solution Pvt. Ltd. .