इ चितवन खबर

May 24, 2025

चितवन। भरतपुर १० मा रहेको अर्किड स्कूलद्वारा आयोजित अन्तरविद्यालय स्तरीय Spelling Bee प्रतियोगिता भब्य रुपमा सम्पन्न भएको छ । उक्त कार्यक्रमकमा चितवन जिल्ला भित्रका ४२ वटा विद्यालयका कुल ८४ जना विधार्थीहरूको उत्साहपूर्वक सहभागि रहेको थियो ।

अन्तरविद्यालय स्तरीय Spelling Bee प्रतियोगितामा सहभागी विद्यालय मध्येबाट पहिलो स्थान रत्ननगर–१६ स्थित भानु मेमोरियल इङ्गलिस स्कूलले हासिल गरेको छ भने दोस्रो स्थान भरतपुर–२५ स्थित मदरल्यान्ड इङ्गलिस स्कूलले र तेस्रो स्थान भरतपुर–५ स्थित अर्बिट युनिक इङ्गलिस स्कूलले प्राप्त गरेको छ ।

कार्यक्रममा विद्यार्थीहरूमा अंग्रेजी शब्दकोषको ज्ञान अभिवृद्धि गर्ने, आत्मविश्वास बढाउने र स्वस्थ प्रतिस्पर्धाको भावना विकास गर्ने उद्देश्य रहेको थियो । कार्यक्रमको सभापतित्व विद्यालयका प्रबन्ध निर्देशक आकाश पौडेलले गर्नु भएको थियो भने विद्यालय सह-प्राचार्य पुरुषोत्तम दुवाडीले कार्यक्रममा सहभागि विद्यार्थीहरूलाई स्वागत गर्नु भएको थियो ।