इ चितवन खबर

October 12, 2025

काठमाडौं । अभिनेता राजेश हमालको पुस्तक युगदेखि युगसम्म सार्वजनिक भएको छ । काठमाडौंका कमलादीस्थीत प्रज्ञा डवलीमा अभिनेता हमाल लगायतले युगदेखि युगसम्म राजेश हमालसँग यज्ञश पुस्तक सार्वजनिक गरेका हुन् ।

पत्रकार तथा लेखक यज्ञश सँगको संवादमा पुस्तक तयार भएको हो, जहाँ जीवनयात्रा, चलचित्र जीवनसँग जोडिएका अनुभव, संस्मरण तथा सामाजिक र व्यक्तिगत विचारहरु समेटिएको अभिनेता हमालले जानकारी दिए ।

राजनीति, धर्म, केही मनोविज्ञानका कुरा समेत पुस्तकमा समेटिएको उनले बताए । उक्त पुस्तक फाइन प्रिन्टले बजारमा ल्याएको हो । पुस्तक तयार गर्न करिब तीन वर्ष लागेको राजेशले बताए। यसमा आफ्नो जीवनका धेरै कुरा खुलाएको उनको भनाइ छ।