इ चितवन खबर

May 03, 2026

चितवन। भरतपुर-२, क्षेत्रपुरमा अवस्थित बिजी बीज मण्टेश्वेरी स्कुल स्थापनाकालदेखि नै गुणस्तरीय शिक्षा प्रदान गर्दै आएको विद्यालयका रूपमा परिचित बन्दै आएको छ। छोटो समयमै विद्यार्थी र अभिभावकको विश्वास जित्न सफल यस विद्यालय अहिले क्षेत्रकै लोकप्रिय शैक्षिक संस्था मध्ये एक बनेको छ।

विद्यालयले बालबालिकालाई प्रयोगात्मक र व्यवहारिक तरिकाबाट सिक्ने वातावरण प्रदान गर्दै आएको छ। ‘Learning by Doing’ अवधारणामा आधारित शिक्षण प्रणालीका कारण विद्यार्थीहरू आफैं सक्रिय रूपमा सिकाइ प्रक्रियामा सहभागी हुने अवसर पाउँछन्। यसले गर्दा बालबालिकामा सिकाइप्रति रुचि बढ्नुका साथै अभिभावकहरू पनि सन्तुष्ट देखिएका छन्।

शैक्षिक कार्यक्रमले बालबालिकाको सर्वाङ्गीण विकासलाई प्राथमिकतामा राखेको छ। Montessori तथा Play-way पद्धतिमार्फत शिक्षण गर्दै विद्यालयले बालबालिकामा आत्मविश्वास, सिर्जनशीलता र स्वतन्त्र सोचको विकास गराउँदै आएको छ।

विद्यालयका अनुसार जिज्ञासा आधारित सिकाइलाई प्रोत्साहन दिइन्छ भने नैतिक मूल्य, अनुशासन र सकारात्मक व्यवहार विकासमा पनि विशेष ध्यान दिइन्छ। प्रारम्भिक शिक्षालाई मजबुत बनाउँदै बालबालिकाको उज्ज्वल भविष्य निर्माण गर्ने लक्ष्य विद्यालयले लिएको छ। यसका साथै विद्यालयले सुरक्षित, माया–ममता र बालमैत्री वातावरण प्रदान गर्दै आएको जनाएको छ। Jolly Phonics विधिमार्फत अंग्रेजी शिक्षणलाई प्रभावकारी बनाइएको विद्यालयको दाबी छ।

गुणस्तरीय शिक्षा, आधुनिक शिक्षण विधि र अनुभवी शिक्षकको कारण बिजी बि मण्टेश्वेरी स्कुल अभिभावक र विद्यार्थीहरूको पहिलो रोजाइ बन्न सफल भएको छ।