हरिप फ्याउरा र सरिप बाघ

✍🏻 बिष्णु सुबेदी

इ चितवन खबर

March 15, 2025

एकपटकको कुरा हो फ्याउराहरु जम्मा भएर खुसुक्क पछाडीबाट हमला गरी झुक्काएर बाघको शिकार गर्न भनी जम्मा भई आएछन्।एकहप्ता अघिबाटै फ्याउराहरुको तयारी गरेको सुँईको पाएको हुनाले र त्यो दिन पनि फ्याउराहरु घरी यता घरी उता गरेको देखेको हुनाले बाघले चाल पाएछ ।ल ठिक छ,आज यिनको पनि रमिता हेर्नु पर्यो को कताबाट खटिई आएको रहेछ भन्ने बिचार गरेछ। ए! फ्याउराहरु हो! मलाई तिमीहरुले पछाडीबाट त आँट्न पनि कोशिस गर्न सकेनौ । अगाडीबाटै आँटनको लागि तिमीहरु खोक्रो रहेछौ बरु मलाई तिमीहरुको मुखियाकोमा लैजाओ,उसलाई मेरो मासु खान मन लागेको होला।मानौं त्यो शिकारी नै रहेछ भने म भिडौँला र त्यसलाई आँफै आफ्नै छाती चिरेर मेरो मुटु,कलेजो निकालेर खुवाँउला।

यति भनेर बाघले फ्याउराको एक हुल अगाडी लगाएर आँफू चुपचाप तिनलाई पछ्याउँदै पछिपछि लागेछ। फ्याउराको मुखियाले पक्कै पनि फ्याउराले बाघलाई लुछेर घायल पारे भन्नेे सोचेर खुसीले गदगद भएछ।स्यावास! केटा हो ।
चुपचाप रमिता हेरीरहेको बाघलाई देखेर उत्ताउलो झापाली बुद्दि लगाएछ।अलिक बुद्धी भएको र रुपले भुत्लैभत्लाको मान्छे जस्तै देखिने मुखियाले बाघलाई भनेछ तलाई यहाँ आउन डर लागेन ? हामी सबैलाई थाहा छ तलाँई कताबाट हमला गर्नुपर्छ भनेर ।

बल्न्डर!अब म तँलाई सिङ्गो चपाईदिन्छु तर आज‌ मलाई हतार छ तिमीहरु सबै जाओ अब काम हुन्छ।

पाँच सात दिन पछि मुखियालाई अर्को जुक्ति लगाएछ र चिठी लेखेर पठाएछ। प्रिय बाघ तिम्रो र मेरो फ्याउराको हुलमा के टकराव आयो र उनीहरु शिकारमा किन त्यसरी अलमलिए ?मैले त यसरी आफ्नै शिकार हुदाँ लाटो भई बसेको जनावर देख्या थिईन ।तिमीमा किन कत्ति डर छैन?तिमीलाई कति ठाउँमा लुछे?मलाई लेखी पठाउ भनी मन चोर्ने चिठी लेखेर पठाएछ।

बाघलाई फ्याउराको मुखियाले आफ्नो भन्दा फ्याउराको हुलको चिन्ता गरेको देखेर माया लागेर आएछ। बाघले लेखिपठाएछ-शिकार गर्ने शिकारीलाई कुन ठाँउ ,कस्को र कति बेला भन्ने पुर्ण जानाकारी हुनुपर्छ।नत्र शिकारीलाई शिकारले नै दया गर्नुपर्ने स्थिति आउन सक्छ।जब सम्म म सत्यतामा टेकेर र नियमसङ्गत भएर पुरा दिमागले सोचेर काम गर्छु तबसम्म पुरा सँसार आए पनि मलाई लुछ्न सक्दैन।फ्याउराहरु पुरानो अनुभवमा शिकार गर्न आए र म सँग उनीहरुको घेरा तोड्ने बुद्दी थियो । बरु तपाई मुखिया नै बन्ने भए यस्ता सुईखुत्ते चम्चे फ्याउराहरुको साहारा लिएर बेबकुफ बनेर आफ्नै निदहराम नगर्नु भनेर लेखिपठाएछ।बरु आँटी सकेको शिकारको सम्झना स्वरुप अलिकति सुकेको मयल र झरेका नङ्ग्रा र आफ्नै बिष्टाको चट्नी बनाई कोशेली सम्झना स्वरुप पठाई दिएछ ।

१५ दिनपछि फ्याउराको मुखियाले‌ बाघको चिठी र कोशेली हात परेपछि बाघलाई भनेछ -

प्रिय बाघ मैले तिमीले पठाएको कोशेली पाँए ।अरु सबै ठीक छ अलिकति नुन चर्को भएछ।म प्रेसरको रोगी अर्को पटक नुन कम गर्नु ।