इ चितवन खबर

June 06, 2025

चितवन ।अर्किड स्कुल भरतपुर १० ले विश्व वातावरण दिवसको अबसर पारी राजमार्ग छेउ सरसफाइ र बीस हजारी ताल क्षेत्र वरवर सरसफाइ कार्यक्रम आयोजना गरेको छ। विद्यालयमा रहेको इको क्लब ले भरतपुर पुर्वमा रहेको महानगर गेटदेखि वरण्डाभार क्षेत्र वरपर राजमार्ग छेउछाउ मा सरसफाइ कार्यक्रम गरेका थिए ।

शिक्षक, कर्मचारी सुरक्षाकर्मी सहित थुप्रै संख्यामा उपस्थित छात्रछात्रा हरूले राजमार्गमा ब्यानर सहित फोहरमैला संकलन र ब्यबस्थापन गरेका थिए। त्यसैगरी विद्यालयमा नै रहेको स्काउट समूह ले विसहजारी ताल क्षेत्र वरपर रहेको जलकुम्भी झारलाई पन्छाइ सरसफाइ कार्यक्रम सम्पन्न गरेका थिए ।

विद्यालय अतिरिक्त क्रियाकलाप विभाग प्रमुख अमित भुसालका अनुसार अर्किड मा.विले प्रत्येक वर्ष विविध कार्यक्रम आयोजना गरि धार्मिक, प्राकृतिक सम्पदा को सरसफाइ र संरक्षण को लागि कार्य विभिन्न अवसरहरूमा गर्दै आएकोमा यस वर्ष राजमार्ग सरसफाइ र विसहजारी क्षेत्र संरक्षण सम्बन्धि कार्य गरेको हो ।