इ चितवन खबर

July 10, 2025

चितवन। गीत संगीत भनेको एक फरक खालको आत्मसतुष्टि र दुःख सुखमा मन भुलाउन सहयोग मिल्ने विधा हो । लोकदोेहोरी गीत पछिल्लो समयमा व्यापक चर्चा हुँदै आएको पाइएको छ । यस्तै, गायक बन्न चाहेर यस क्षेत्रमा होमिएका नुवाकोट जिल्ला बेलकोट गढी-२ हाल भरतपुर चितवनमा बस्दै आएका एक गायक हुन् नवराज तिमिल्सिना ।

गायन क्षेत्रमा सानैदेखि रुचि भएका तिमिल्सिना पछिल्लो समय गायन क्षेत्रमा जम्दै आएका छन् । सुरुवातमा आफुले साथीभाइहरु सँग भेटघाट हुँदा, कहिले काही बनभोज कार्यक्रममा र कहिले घुमघाम गर्दा गुनगुनाउने गरेको उनले बताए । गायक बन्ने रहर चल्यो र लोकभाकालाई आफ्नै मुखले गुनगुनाउने गर्थेँ’ तिमिल्सिना भन्छन् ।

'लेकै सल्लो पियारी बेसिमा टुनि...' चर्चित लोक भाकामा लाईभ दोहारी भिडियो सार्बजनिक भएको छ। गलबन्दी स्टुडियोमा भएको लाईभ दोहारीमा गायक तिमिल्सिनाको आवाजमा रहेको यो गीत कान्छी गुरुङ युट्युव च्यानलबाट सार्वजनिक भएको हो । गीतमा गायक तिमिल्सिना सँगै बसन्त तिमिल्सिना, केशव बगाले, गायिकाहरु पवित्रा थापा, जमुना राइ र बिमला थापाले स्वरमा साथ दिएकी छन् । कान्छी गुरुङको प्रस्तुती रहेको लाईभ दोहारी भिडियो गलबन्दी स्टुडियोले मिक्सिङ्ग गरेको हो ।