इ चितवन खबर
July 20, 2025
रियाद। अमेरिकाको नयाँ कर नीतिका कारण अहिले विश्व अर्थतन्त्र नै नाजुक अवस्थामा रहेको छ । भारत, चीनदेखि जापान, युरोपसम्म सबैतिर बजार सुस्त हुन पुगेको छ ।
तर, यी सबैको बीचमा साउदी अरेबियाको फिल्म उद्योग भने निरन्तर उकालो लागिरहेको छ। सन् २०२५ को पहिलो त्रैमासिकमा फिल्मबाट साउदीको आम्दानीमा बृद्धि भएको छ । जसवाट खुसी भएको साउदीले पाँचवटा नयाँ फिल्म परियोजनाको घोषणा गरेको छ।
साउदी अरबको सामान्य मनोरञ्जन प्राधिकरणका निर्देशक बोर्डका अध्यक्ष टर्की अल–शेखले ५ नयाँ उच्च प्रोफाइल फिल्म परियोजनाहरूको घोषणा गरेका छन्। राजधानी रियादस्थित बिग टाइम स्टुडियोमा अन्तर्राष्ट्रिय मापदण्डअनुसार यी चलचित्र बनाइने उनले जनाएका छन् ।
यी मध्ये एक फिल्म भने यार्मुकको युद्धमा आधारित हुनेछ। यो महान अरब कमाण्डर खालिद इब्न अल वालिदको जीवनमा आधारित हुनेछ, जसमा यार्मुकको युद्ध देखाइने छ। फिल्ममा अन्तर्राष्ट्रिय कलाकारहरुको अभिनय रहनेछ ।
दोस्रो फिल्म साउदी आर्मीमा आधारित छ । यो चलचित्र रक्षा मन्त्रालयको सहकार्यमा सत्य घटनाबाट प्रेरित भएर निर्माण भएको मानिएको छ । विश्व दर्शकलाई ध्यानमा राख्दै यो फिल्मले साउदी सेनाको बहादुरी र दृढ संकल्प देखाउने प्रयास गर्नेछ ।
यस बाहेक गृह मन्त्रालयको सहकार्यमा निर्माण हुन लागेको चलचित्रमा साउदी अरेबियामा लागुऔषध ओसारपसार विरुद्धको लडाईसँग सम्बन्धित कथाहरु देखाइने भएको छ।
साउदी अरेबियाले मिशन २०३० अन्तर्गत नयाँ नयाँ प्रयोगहरू गरिरहेको छ। क्राउन प्रिन्स मोहम्मद बिन सलमानका नीतिहरूका कारण व्यापार शीर्ष स्थानमा छ, जसका लागि उनी परम्परा तोड्नबाट पछि हटिरहेका छैनन्। दशकौंदेखि बन्द रहेका सिनेमा हलहरू साउदीमा मल्टिप्लेक्स खोलेर युवराजले चलचित्र उद्योगको प्रवर्द्धन गरिसकेका छन् ।
सन २०१८ मा सरकारले सिनेमा हलहरूमा ३५ वर्ष पुरानो प्रतिबन्ध हटाएको थियो। त्यसपछि यहाँ फिल्मको व्यापार उचाइमा पुगेको हो । रमजान २०२५ को पहिलो त्रैमासिकमा भए पनि साउदीले सिनेमा हलबाट बम्पर कमाई गरिरहेको छ र यो त्रैमासिकको आम्दानी गत वर्षको तुलनामा ४ प्रतिशतले बढी भएको जनाइएको छ ।
जसका कारण साउदी अरबको मन सिनेमा निर्माणतर्फ पनि जोडिएको छ ।
Happy ( ०% )
Sad ( ०% )
Surprised ( ०% )
Excited ( ०% )
Angry ( ०% )
May 15, 2026
May 10, 2026
May 02, 2026
April 09, 2026
March 17, 2026
February 02, 2026
January 16, 2026
January 09, 2026
January 09, 2026
January 08, 2026
नेपाल र विश्वसँग सम्बन्धित ताजा, विश्वसनीय र अद्यावधिक समाचार तथा जानकारीलाई पाठकमाझ छिटो, निष्पक्ष र प्रभावकारी ढंगले प्रस्तुत गर्दै आएको एक विश्वासिलो सञ्चार माध्यम हो। मोफसलमै चर्चित रंगिन पत्रिकाको पहिचान बनाएको चितवन खबर पत्रिका सँगै सञ्चालनमा रहेको इ चितवन खबर डट कमले राजनीति, समाज, शिक्षा, स्वास्थ्य, पर्यटन, खेलकुद, कला–साहित्य, मनोरञ्जनदेखि स्थानीय जनजीवनका विविध विषयलाई प्राथमिकताका साथ उजागर गर्दै आएको छ।सत्य तथ्यमा आधारित पत्रकारिता, स्थानीय आवाजको प्रवर्द्धन र जनचासोका विषयलाई सशक्त रूपमा उठान गर्ने उद्देश्यका साथ अघि बढिरहेको चितवन खबरले डिजिटल पत्रकारितामार्फत देश–विदेशमा रहेका नेपाली पाठकमाझ आफ्नो अलग पहिचान स्थापित गरेको छ। सूचना, समाचार र विचारको विश्वसनीय स्रोतका रूपमा स्थापित हुँदै गएको चितवन खबर निष्पक्ष, उत्तरदायी र जनमुखी पत्रकारिताप्रति प्रतिबद्ध छ।
Copyright © 2026, इ चितवन खबर डट कम. All rights reserved.
Powered by Bitmap I.T. Solution Pvt. Ltd. .
